Шырыцца фронт будаўнічых работ

Будаўніцтва новага педагагічнага комплексу дзіцячы сад-сярэдняя школа распачалося ў вёсцы Хільчыцы. На цяперашні час на гэтым аб’екце закладваецца падмурак, работы вядуць спецыялісты арганізацыі “Палессебуд”.


Згодна праекта разам з вучэбным двухпавярховым корпусам педагагічнага комплексу будуць узведзены кацельня на мясцовых відах паліва, водазабор, пажарныя рэзервуары, іншыя камунікацыі, праведзена добраўпарадкаванне тэрыторыі, на якой раскінуцца стадыён, вучэбна-доследны ўчастак, сад. Таксама будаўнікі зробяць да школы добрыя пад’езды і стаянку для транспарту.


Педагагічны комплекс разлічаны на 144 навучэнцы і 24 выхаванцы дзіцячага садзіка. Як паведамілі ў камунальным унітарным прадпрыемстве “Упраўленне капітальнага будаўніцтва Жыткавіцкага раёна”, пры ўмове бесперабойнага фінансавання аб’ект будаўнікамі будзе здадзены ў наступным годзе. Кошт будаўніцтва з улікам абсталявання складзе дванаццаць мільярдаў рублёў.


С. МІКАЛАЕЎ.

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.