Паклікаў восеньскі кірмаш

Першы сёлета восеньскі кірмаш парадаваў жыхароў райцэнтра багаццем гандлёвых радоў і вясёлымі выступленнямі самадзейных артыстаў ды іншымі забавамі.


А восьмай раніцы адна за другой на цэнтральнай плошчы горада выстройваюцца грузавыя аўтамашыны. Гэта працаўнікі вёскі прывезлі на продаж бульбу, агародніну, зерне, мяса, мёд і іншую прадукцыю. Вяскоўцы яшчэ не паспелі раскласці свой тавар, упрыгожыць аўтамашыны, а гараджане ўжо выстройваліся ў чэргі. Гандаль пайшоў бойка. Асабліва вялікі попыт быў на прадукцыю адкрытага акцыянернага таварыства “Тураўшчына”. На вачах раскуплялася жыхарамі райцэнтра прывезеная працаўнікамі гэтай гаспадаркі бульба, цыбуля. Не залежвалася і мяса, іншыя тавары. Актыўна вёўся гандаль і адкрытым таварыствам “Жыткавічыхімсервіс”, якое прапаноўвала пакупнікам свініну. Шматлюдна было і ля аўтамашыны КСУПа “Коленскае”. Гаспадарка таксама прапаноўвала шырокі асартымент прадукцыі. Гандаль вёўся настолькі добра, што аўтамабіль бюро транспартных паслуг Жыткавіцкага спажывецкага таварыства не паспяваў выконваць заяўкі людзей.


З кожнай гадзінай кірмаш віраваў усе больш і больш. Таму спрыялі і выступленні самадзейных артыстаў, атракцыёны для дзяцей, якія ладзілі супрацоўнікі камбіната бытавога абслугоўвання. Унеслі свой уклад і работнікі спажывецкага таварыства, якія разбілі свае гандлёвыя палаткі з рознымі прысмакамі. Бясспрэчна, што і добрае надвор’е таксама аказала станоўчы ўплыў на наведваемасць мерапрыемства.


Можна казаць смела, што першы восеньскі кірмаш у райцэнтры ўдаўся і для гандляроў, і для пакупнікоў. Вяскоўцы прадалі сваёй прадукцыі больш чым на дваццаць мільёнаў рублёў, а гараджане зрабілі неабходны запас бульбы, гародніны на зіму.


С. БЕЛКА.


P.S. Запрашаем на чарговы восеньскі кірмаш у суботу, 2 кастрычніка.

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.