Жніво фінішуе
У гаспадарках раёна на цяперашні час абмалочваюць апошнія гектары зерневых і зернебабовых культур.
Сёлета па стану на 26 жніўня агульная вага раённага каравая складае 26544 тоны пры сярэдняй ураджайнасці 27,9 цэнтнера з гектара. Самы вялікі ўнёсак у агульны намалот збажыны ўнеслі хлебаробы ААТ “Тураўшчына” — 14069 тон зерня. Палеткі таварыства аказаліся і самымі ўраджайнымі: з кожнага гектара намалочана па 50,5 цэнтнера зерня.