НАСУСТРАЧ УСЕБЕЛАРУСКАМУ СХОДУ

Напярэдадні Усебеларускага народнага сходу мы пацікавіліся ў дэлегатаў мінулага форуму, ці спраўдзіліся іх спадзяванні аб прынятых рашэннях.


Сёння дзеліцца сваімі думкамі Ніна РАЙ, загадчык Хачэньскай фермы адкрытага акцыянернага таварыства “Тураўшчына”:


— Мне пашчасціла быць дэлегатам ІІІ Усебеларускага сходу, чым я вельмі ганаруся. На гэтым народным форуме мы вызначылі, як будзе развівацца наша краіна ў апошнія пяць гадоў. Я лічу, што ўсе тыя планы сацыяльна-эканамічнага развіцця краіны, якія абмяркоўваліся на сходзе, выкананы паспяхова. Мне, як вяскоўцу, гэта відавочна: выраслі пенсіі і заробкі, адбудаваны аграгарадкі. Больш плённа і вынікова запрацавалі ўстановы сацыяльнай сферы на вёсцы і многае іншае ў нашым жыццёвым укладзе палепшылася. Ды і ў гаспадарцы, дзе працую, таксама справы пайшлі больш паспяхова. А ўсё таму, што на палетках з’явілася шмат сучаснай высокаэфектыўнай тэхнікі, вядзецца будоўля і рэканструкцыя ферм. Гэта вынік тых захадаў, што кіраўніцтвам дзяржавы прымаліся апошнія гады па развіццю і адраджэнню вёскі. Спадзяюся, што дэлегатамі чарговага Усебеларускага сходу таксама будзе прынята нямала добрых праграм, якія нададуць нашай краіне новы імпульс для развіцця, зробяць наша жыццё яшчэ больш заможным.

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.