Малочнай вытворчасці – сучасныя ўмовы
Будаўніцтва сучаснага малочнатаварнага комплексу вядзецца ў камунальным сельскагаспадарчым унітарным прадпрыемстве “Людзяневічы”.
Новабудоўля вядзецца ў непасрэднай блізкасці ад цэнтральнай сядзібы гаспадаркі. Работы ідуць даволі шпаркімі тэмпамі – гатоўнасць некаторых аб’ектаў ужо складае сто працэнтаў. Будаўнікі працуюць адразу і на ўзвядзенні памяшканняў для ўтрымання кароў, і малочнага блока з даільнай залай, іншых збудаванняў. Новы комплекс разлічаны на шэсцьсот галоў. Кошт будоўлі на цяперашні час складае прыкладна 28 мільярдаў рублёў.
Сучасныя ўмовы для развіцця малочнай вытворчасці плануецца стварыць і ў КСУПах “Коленскае” і “Марохараўскі”. Тут таксама сёлета распачнуцца работы па ўзвядзенню аналагічных малочнатаварных комплексаў.