Перамог “Вянок”

Мноства разнастайных мерапрыемстваў з нагоды 120-годдзя з дня нараджэння М. Багдановіча прайшло ў ДПТВ-182.


Да гэтай даты навучэнцы разам са сваімі педагогамі падрыхтавалі выставу сценгазет, конкурс чытальнікаў вершаў паэта. Вянцом жа ўсёй дзеі стала інтэлектуальная гульня па творчасці Максіма Багдановіча, якую з юнакамі і дзяўчатамі правялі настаўнікі філалогіі ўстановы Ірына Гулюта і Людміла Глазатава.


Падчас мерапрыемства рабяты, якія былі падзелены на дзве каманды “Васількі” і “Вянок”, адказвалі на пытанні, разгадвалі красводы, адгадвалі творы, чыталі вершы. Усе конкурсы былі тэматычна звязаны з творчым і жыццёвым шляхам паэта. Перамаглі ў гэтым інтэлектуальным саперніцтве навучэнцы з каманды “Вянок”. Узнёсламу і ўрачыстаму настрою на свяце садзейнічалі і з густам аформлены кабінет, а таксама музычныя кампазіцыі на вершы Багдановіча.


Ул. інф.

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.