Ахвяры дарог

З пачатку верасня бягучага года на тэрыторыі раёна ўчынена два дарожна-транспартныя здарэнні, у якіх загінулі людзі.


Грамадзянін Л., 1989 года нараджэння, рухаўся позна ўвечары на сваім аўтамабілі па аўтадарозе Любань — Кучына. Вынік паездкі несуцяшальны. Малады чалавек з’ехаў у кювет, дзе аўтамабіль перакуліўся. Пасажыр М. 1988 года нараджэння са шматлікімі траўмамі быў дастаўлены ў Жыткавіцкую ЦРБ, дзе праз два дні памёр.


Яшчэ адно жыццё маладога чалавека «забрала» дарога ля Турава. На 21-м кіламетры аўтатрасы Жыткавічы — Давыд-Гарадок адбылося сутыкненне аўтамашын МАЗ і «Фіат».


Вадзіцель грузавіка выехаў на паласу стрэчнага руху, па якой рухаўся легкавік. Яго вадзіцель В. ад атрыманых цялесных пашкоджанняў памёр на месцы ДТЗ.


На жаль, колькасць ахвяр на дарогах раёна з кожным месяцам большае. З пачатку года ў аварыях загінула 11 чалавек.


ОГАІ Жыткавіцкага РАУС нагадвае, што з заканчэннем летняга перыяду дарожныя абставіны пагаршаліся. У сувязі з гэтым вадзіцелям неабходна праяўляць павышаную пільнасць пры кіраванні транспартнымі сродкамі.

Добавить комментарий

Ваш e-mail не будет опубликован.

Этот сайт использует Akismet для борьбы со спамом. Узнайте как обрабатываются ваши данные комментариев.