На мінулагоднім узроўні працуюць жывёлаводы раёна па вытворчасці малака.

На цяперашні час валавы дзённы надой складае больш 80 тон прадукцыі, а яе продаж перапрацоўшчыкам больш 70 тон. З прыбаўкай да леташняга перыяду па надою зараз працуюць тры гаспадаркі: ААТ “Тураўшчына”, “Прыазёрскае-Агра” і КСУП “Людзяневічы”. А вось сярод малочнатаварных ферм лідарства ўтрымліваюць работнікі МТФ “Верасніца”, дзе ад адной каровы ў сярэднім дояць па 21,5 кілаграма малака, “Пухавічы” (17 кілаграмаў) і МТК “Людзяневічы” і “Пасека”, дзе дзённыя надоі на карову складаюць адпаведна 15,2 і 13,6 кілаграма.
С. БЕЛКА.