З кожным месяцам працаўнікі грамадскіх ферм раёна сваё майстэрства пацвярджаюць годнымі вытворчымі паказчыкамі

телятаЗ кожным месяцам працаўнікі грамадскіх ферм раёна сваё высокае прафесійнае майстэрства пацвярджаюць годнымі вытворчымі паказчыкамі. Аб чым сведчаць вынікі работы лепшых аператараў машыннага даення, а таксама па адкорму маладняку за два месяцы бягучага года.
Найперш у гэтым спісе хочацца адзначыць прозвішча Наталлі Фраловай з ААТ “Тураўшчына”, якая за студзень-люты надаіла ад адной каровы 1750 кілаграмаў малака. Належнае старанне на сваіх працоўных месцах праявілі і аператары машыннага даення КСУПа “Коленскае” Іван Андык і Алена Саскевіч. Іх вытворчы здабытак за азначаны вышэй пярыяд 1023 кілаграмы надоенага малака ад адной каровы. Не на шмат адстала ад іх Валянціна Базько з ААТ “Людзяневічы”. Яе паказчык 1017 кілаграмаў малака.
Другі год запар у КСУПе “Бялёў” сярод аператараў машыннага даення лідарства ўтрымлівае Вольга Паўлюшына. За два месяцы гэтага года яна надаіла ад адной каровы па 973 кілаграмы сырадою. Рубеж па надою ў дзевяцьсот кілаграмаў таксама за студзень-люты пераадолелі Алена Купрацэвіч з акцыянернага таварыства “Прыазёрскае-Агра” (946 кілаграмаў) і Лілія Аніскавец з акцыянернага таварыства “Людзяневічы” (908 кілаграмаў малака ад адной каровы). Заслугоўвае пахвалы і працавітасць аператараў машыннага даення Надзеі Рагалевіч і Ірыны Арцем’евай з КСУПа “Коленскае” і Валянціны Балбуцкай з КСУПа “Чырвоны Бор”. Няхай дасягнутыя імі вытворчыя паказчыкі пакуль і меншыя чым у лідараў, але гэтыя спецыялісты валодаюць вялікім патэнцыялам і могуць аказаць нежартоўную канкурэнцыю за першынство ў працы.
Нямала вытворчых дасягненняў маюць у гэтым годзе і аператары па вырошчванню маладняку. Напрыклад, сярэднясутачныя прывагі гадаванцаў, якіх даглядае Кацярына Ханеня з ААТ “Людзяневічы”, за два месяцы склалі 962 грамы. У Ірыны Мулюк з ААТ “Прыазёрскае-Агра” цяляты прыбаўлялі ў вазе па 950 грамаў, у Алены Дрынеўскай і Марыны Булаўка з КСУПа “Коленскае” – па 911 грамаў. У ліку лепшых жывёлаводаў па адкорму маладняку, якія маюць добрыя прывагі, і Вольга Канстанцінава з ААТ “Тураўшчына” (сярэднясутачныя прывагі 885 грамаў), Таццяна Аліфяровіч і Святлана Сыса з КСУПа “Бялёў” (840 грамаў), Іван Карніцкі з ААТ “Людзяневічы” (869 грамаў), Ганна Агіевіч з КСУПа “Чырвоны Бор” (750 грамаў) і Наталля Савельева, Людміла Шляга, Марына Сакула і Алеся Арцем’ева (761 грам). Сваімі здабыткамі гэтыя працаўнікі ферм даказваюць, што патэнцыял грамадскай жывёлагадоўлі яшчэ даволі значны. І поўнасцю яго выкарыстаць можна толькі дзякуючы старанню і належным адносінам да справы. Гэтыя якасці кожны дзень на сваіх рабочых месцах і дэманструюць перадавыя майстры па вытворчасці малака і мяса.

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.