Гурт “Міжрэчча” з Пагоста павіншавала Міністэрства культуры

Захавальнікаў традыцыйнай культуры не толькі своёй вёскі, а і ўсёй Тураўшчыны — фальклорна-этнаграфічны гурт “Міжрэчча” з Пагоста павіншавала Міністэрства культуры Рэспублікі Беларусь з юбілеем. Папулярнаму калектыву споўнілася 40 гадоў.

Прыхільнікі найстаражытных абрадаў і звычаяў — Каляд i Шчадраца, “Гу, вясна!” у апошні дзень Масленіцы, Саракасвятых, “Жаніцьбы Коміна”і, самае галоўнае, “Карагода” на свята Юр’я былі прыемна здзіўлены такой увазе. Намеснік міністра Валерый Грамада выказаў падзяку артыстам за захаванне спадчыны сваёй малой радзімы, шанаванне гісторыі вёскі.