Молочнотоварная ферма коммунального сельскохозяйственного унитарного предприятия “Дяковичи” в этом году претерпевает капитальные изменения…

Мінулы год для жывёлагадоўлі раёна стаў знакавым. Па выніках працы за гэты перыяд працаўнікі галіны за дасягненне высокіх вытворчых паказчыкаў занялі ў рэспубліканскім спаборніцтве першае месца. Гэтая падзея стала падставай для гутаркі карэспандэнта “НП” з першым намеснікам старшыні райвыканкама, начальнікам райсельгасхарчу Аляксандрам Наўныкам аб справах і перспектывах працаўнікоў ферм раёна.

— Канечне, вельмі прыемна, што нашы старанні адзначаны на такім высокім узроўні і быць у адным радзе агульнапрызнаных лідэраў па вытворчасці прадукцыі жывёлагадоўлі рэспублікі. На гэты вынік працавалі ўсе : і спецыялісты райсельгасхарчу, і раённых службаў, абслугоўваючых аграпрамысловы комплекс, і кіраўнікі, спецыялісты, радавыя працаўнікі гаспадарак. Хочацца ўсім выказаць шчырыя словы падзякі. Асабліва падкрэслю працу калектыва сялянскай гаспадаркі М.Р.Шруба, які за параўнальна кароткі тэрмін увёў у строй свінагадоўчы комплекс і дасягнуў самых высокіх паказчыкаў у краіне па вытворчасці свініны. Нядрэнна спрацавалі і працаўнікі КСУПа “Коленскае”. Па выніках працы многія спецыялісты і работнікі жывёлагадоўлі гэтай гаспадаркі ў ліку пераможцаў рэспубліканскага спаборніцтва.