Новая тэхніка для сельгасвытворцаў
Мільярд рублёў крэдытных сродкаў выдзелена сельгаспрадпрыемствам раёна для закупкі новай тэхнікі.
За выдаткаваныя грошы мяркуецца набыць 8 трактароў МТЗ-82 і столькі ж кормараздатчыкаў-змяшальнікаў. Увогуле працэс абнаўлення машынна-трактарных паркаў гаспадарак сучаснай тэхнікай ідзе пастаянна. Толькі за 2 апошнія месяцы яе паступіла ў сельгаспрадпрыемствы 35 адзінак. Спачатку ж года гаспадаркі раёна набылі сельгасмашын і агрэгатаў рознага прызначэння каля 100 адзінак.