У Жыткавіцкім раёне распачалася газіфікацыя сельскіх паселішчаў
У раёне распачынаецца ажыццяўленне буйнога праекта па газіфікацыі сельскіх паселішчаў на Тураўшчыне. Першыя трубы новага газаправода будаўнікі пачнуць пракладваць першага лістапада. Ён і аб’екты на ім дадуць магчымасць карыстацца блакітным палівам жыхарам яшчэ з паўдзясятка вёсак. Да таго ж прыродны газ з Жыткаўшчыны пойдзе для патрэб насельніцтва і ў суседні Столінскі раён Брэсцкай вобласці. Нагадаем, працягласць новай камунікацыі складзе 21,3 кіламетра, а кошт праекта — 8 мільёнаў 334 тысячы рублёў.