Свята прывёз аўтаклуб

Нядаўні маршрут аўтаклуба пралягаў праз вёскі Знаменка, Бечы, Бячанская Буда. “Беражыце жыллё ад пажараў” — такой была тэма выступлення спецыяліста раённага аддзела па надзвычайных сітуацыях Аркадзя Лагуна.

Фельчар-валеолаг раённага цэнтра гігіены і эпідэміялогіі Вольга Літвяк расказала пра прафілактыку вострых кішэчных захворванняў. З канцэртнай праграмай перад мясцовым насельніцтвам выступілі ўдзельнікі мастацкай самадзейнасці аўтаклуба і Кольненскага цэнтра культуры і вольнага часу. Да друку падрыхтаваў С. ВЕЧАРОВЫ.