На другой палове “блакітнай нівы”
Звыш паўтара месяца доўжыцца адказны сезон пуціны ў адкрытым акцыянерным таварыстве “Доследны рыбгас “Белае”. Як гаворыць яго кіраўнік Мікалай Яраховіч, сёлета ў сувязі з гарачынёй, высокімі тэмпературамі распачаць адлоў рыбы давялося пазней звычайнага дзесьці на тыдзень, з першага верасня.
Па стану на сярэдзіну кастрычніка пуціна была завершана на палове воднай плошчы, адлоўлена 517 тон таварнай рыбы. Работы гэтыя будуць у цэлым праведзены ў 11 нагульных і 3 вырасных сажалках. Адначасова адлоў карпа і шчупака, сома і таўсталобіка, белага амура і карася вядуць тры рыбалавецкія брыгады. Пуціну плануюць завяршыць да 15 лістапада.
Прадукцыя доследнага рыбгаса “Белае” рэалізуецца спажыўцам Гомеля і Гомельскай воласці. За апошнія пяць гадоў тут быў значна абноўлены аўтапарк, цяпер з поспехам працуюць на розных маршрутах Гомельшчыны 10 жыварыбных машын, што з’яўляюцца своеасаблівымі магазінамі на колах.