З Рэспубліканскіх “Дажынак” – з узнагародай
Ганаровы дыплом Міністэрства сельскай гаспадаркі і харчавання Рэспублікі Беларусь за другое месца ў Рэспубліканскім спаборніцтве на ўборцы ўраджаю зерневых і зернебабовых культур сярод сельгаспрадпрыемстваў на галоўным свяце — кірмашы працаўнікоў вёскі “Дажынкі-2010” у горадзе Лідзе атрымала адкрытае акцыянернае таварыства “Тураўшчына”. Высокую ўзнагароду кіраўніку прадпрыемства Уладзіміру Радаўцу ўручыў віцэ-прэм’ер краіны Іван Бамбіза. Так адзначана плённая праца хлебаробаў таварыства на збожжавым палетку сёлета. У гаспадарцы з кожнага гектара намалацілі 50,6 цэнтнера зерня і атрымалі яго валавы збор 14200 тон.
Ганаровы дыплом падмацаваны прэміяй у суме 20 мільёнаў рублёў. Як паведаміла кіраўніцтва акцыянернага таварыства “Тураўшчына”, яна пойдзе на заахвочванне лепшых працаўнікоў — удзельнікаў жніва. Віншуем усіх працаўнікоў ААТ “Тураўшчына” з годнай узнагародай.
Ул. інф.