У раёне на дзявятае красавіка пасеяна 534 гектары ранніх зерневых і зернебабовых культур.
Усяго ж іх запланавана бягучай вясной размясціць на 4680 гектарах.
Высокія тэмпы сяўбы забяспечваюць земляробы КСУПа “Коленскае”. У гаспадарцы гэтая работа вядзецца на другой палове плошчаў. Ні на гадзіну не спыняецца дзейнасць пасяўных агрэгатаў і ў акцыянерным таварыстве “Людзяневічы”. Тут насенне яравых зерневых заштукавана ў глебу больш як на двухстах гектарах. Таксама пасяўныя работы распачаліся ў КСУПах “Бялёў”, “Чырвоны Бор” і ААТ “Прыазёрскае-Агра”.
Усяго ж бягучай вясной аграрыям раёна неабходна засеяць 21115 гектараў. Для гэтых мэт у сельгаспрадпрыемствах падрыхтавана ўжо 1277 гектараў глебы.
Сяргей БЕЛКА