З якімі надзеямі жыткаўчане наведваюцца на ўчасткі для галасавання.

Аляксей Марціновіч, аграгарадок Сяменча:

— Думка адна, што я маю дачыненне да важнай дзяржаўнай справы. Усё ж выказваемся па Асноўным Законе краіны, па якім нам жыць у будучым. Мне, як настаўніку фізічнай культуры, вельмі імпануе, што ў праект уключаны пункт, дзе гаворыцца, што мы павінны быць адказнымі за ўласнае здароўе. Гэта вельмі важна для падрастаючага пакалення.