Рабочая нарада
Рабочая нарада з удзелам намесніка старшыні райвыканкама Уладзіміра Гулюты адбылася ў Тураўскім гарадскім Савеце. Былі заслуханы справаздачы адказных асоб па падрыхтоўцы раённага фальклорнага мерапрыемства “Свята птушак у Тураве”.
Свята будзе арганізавана і праведзена 1 мая пры падтрымцы і непасрэдным удзеле пасольства Велікабрытаніі ў Рэспубліцы Беларусь, прадстаўніцтва ААН, праграмы малых грантаў Глабальнага экалагічнага фонда і другіх міжнародных і нацыянальных арганізацый. Мэта свята -– прапаганда экалагічных ведаў сярод мясцовага насельніцтва, садзейнічанне развіццю прыроды і культурнага турызму на тэрыторыі нашага раёна.
У дзень правядзення фестывалю адбудзецца святочнае адкрыццё скульптуры куліку-марадунку, канцэрт з удзелам фальклорных калектываў Жыткаўшчыны, свята рамесніцтва палескіх майстроў і г.д.
Удзел у рабочай нарадзе прыняла прадстаўнік грамадскай арганізацыі “Аховы птушак Бацькаўшчыны” Наталля Парэчына, другія афіцыйныя асобы.
У. МІКАЛАЕЎ.