Запрашае “Палеская вясёлка”
Пад такой назвай 8 лістапада пройдзе ў раённым Доме культуры фінал раённага фестывалю дзіцячай народнай творчасці.
Падчас трох адборачных тураў журы выбрала лепшыя нумары, якія былі паказаны ўдзельнікамі дзіцячых гурткоў клубных устаноў раёна. Таму фінал будзе прадстаўнічым і маштабным. Аб чым сведчыць колькасць удзельнікаў у кожнай намінацыі. Так, у фінале мерапрыемства выступяць восем вакальных калектываў, семнаццаць салістаў і чатырнаццаць танцавальных калектываў. Усе фіналісты сваёй творчасцю пастараюцца парадаваць найперш гледачоў, і, канешне ж, заняць самыя высокія месцы. Пачнецца мерапрыемства а адзінаццатай гадзіне.
С. МІКАЛАЕЎ.