Наледзь абарвала правады

З-за непагоды ў раёне мелі месца збоі ў рабоце 169 трансфарматарных падстанцый. Адбылося гэта на працягу 11 студзеня.

Асабліва пацярпела паўднёвая частка рэгіёна, Тураўшчына. Тут з-за наледзі на правадах, якая дасягала 40 – 45 міліметраў, абарвалася два дзесяткі электраапор з правадамі. 47 населеных пунктаў раёна былі абясточаны, у тым ліку і некалькі ферм, і іншыя аб’екты.

У рамонтных работах былі задзейнічаны 10 аварыйных брыгад энергетыкаў, 14 адзінак тэхнікі.

Ул.інф.