Лыжня назвала пераможцаў

Чатырнаццаць каманд прынялі ўдзел у лыжных гонках, што былі прыўрочаны падвядзенню вынікаў работы лясгаса за мінулы год. У зацятым спартыўным змаганні першае месца заняла каманда Хвойкаўскага лясніцтва, другое — апарата ўпраўлення, трэцяе — Грычынавіцкага лясніцтва.

У індывідуальным спаборніцтве на лыжных трасах лідарам стаў механік Аляксандр Ціханаў, другое месца ў начальніка аддзела па турызму Аляксандра Альвінскага, трэцяе — у ляснічага Грычынавіцкага лясніцтва Аляксандра Краўчэні. Пераможцы ўзнагароджаны дыпломамі.

С. ВЕЧАРОВЫ.