Другое нараджэнне помніка

У дзень Перамогі на могілках горада Жыткавічы адбыўся мітынг, прысвечаны адкрыццю помніка, на якім выбіты наступныя словы: “Тут пахаваны пакараныя смерцю нямецка-фашысцкімі захопнікамі партызаны і падпольшчыкі. Вечная слава мужным патрыётам, якія аддалі жыццё за свабоду і незалежнасць нашай Радзімы”.

Задоўга да 9 мая родзічы пахаваных тут людзей звярнуліся ў Жыткавіцкі райвыканкам з просьбай аб рэканструкцыі раней устаноўленага помніка. І іх просьба была задаволена.

У мітынгу прынялі ўдзел школьнікі, ветэраны Вялікай Айчыннай вайны, родзічы загінуўшых партызан і падпольшчыкаў. Перад прысутнымі выступілі старшыня райвыканкама Мікалай Какора і пенсіянер Валерый Корж — сын ветэрана Вялікай Айчыннай вайны, былога настаўніка Мікалая Паўлавіча Каржа.