Актыўна праводзіць працу па зносу старых пакінутых будынкаў у вёсках Савета Марохараўскі сельвыканкам. Толькі з пачатку гэтага года такіх знесена каля двух дзесяткаў.

Устаноўкай новай агароджы на могілках вёскі Залюцічы заняты сельвыканкам Мілевіцкага Савета.

Днямі райкамам БРСМ праведзена турыстычная экскурсія ў сталіцу Украіны, горад Кіеў. Удзел у ёй ўзялі больш паўсотні маладых людзей, якія працуюць ва ўстановах, арганізацыях, на прадпрыемствах горада і раёна.

Ужо на працягу некалькіх гадоў Марохараўскі сельсавет з’яўляецца лідэрам па закупу лішкаў малака ў насельніцтва. Нядрэнна ладзіцца гэтая справа тут і ў гэтым годзе.

Большае колькасць юнакоў з нашага раёна, якія жадаюць звязаць свой лёс з вайсковай службай у якасці афіцэра. Сёлета стаць курсантам ваеннай акадэміі і ваенных факультэтаў грамадзянскіх ВНУ маюць намер 14 выпускнікоў школ.

На біс сустракалі кожны канцэртны нумар на восьмым Міжнародным фестывалі нацыянальных культур, што адбыўся ў г. Гродна, цыганскага ансамбля раённага цэнтра культуры “Лачшо дывес”.

Амаль пяцьдзесят юнакоў з нашага раёна папоўняць вайсковыя часці па выніках чарговай прызыўной кампаніі. Зараз яна ў разгары.

Чарговай працоўнай перамогай парадавалі працаўнікі жывёлагадоўчай галіны Жыткаўшчыны. Па ўмовах рэспубліканскага працоўнага спаборніцтва за дасягненне высокіх паказчыкаў па вытворчасці жывёлагадоўчай прадукцыі за мінулы год наш раён стаў лідэрам.